सामाजिक सञ्जाल 'फेसबुक' मार्फत नाबालिकाको चरित्र हत्या गरेको आरोपमा नुवाकोटबाट एक जना पक्राउ परेका छन्। पक्राउ पर्नेमा शिवपुरी गाउँपालिका–७ का १९ वर्षीय सुदीप कटुवाल रहेका छन् । 

उनीमाथि फेसबुकमा नाबालिकाको अश्लिल सामग्री पोष्ट गरेको र रकम समेत माग गरेको आरोप छ। उजुरी परेपछि साईबर ब्यूरोबाट खटिएको टोलीले कटुवाललाई बुधबार पक्राउ गरेको हो।

विद्युतीय कारोबार ऐन, २०६३ अन्तर्गतको कसुरमा जिल्ला अदालत काठमाडौँबाट ७ दिनको म्याद थप गरी कटुवालमाथि अनुसन्धान अगाडि बढाईएको ब्यूरोले जनाएको छ।